ឌីជីថលភាវូបនីយកម្ម មានឥទ្ធិពលមកលើយើងទាំងអស់គ្នា- ក្រុមការងារអូឌីស៊ី ចូលរួមក្នុងសន្និសីទដែលរៀបចំដោយ Konrad Adenauer Stiftung
លោកបណ្ឌិត Daniel Schmücking ចងចាំថ្ងៃដំបូងដែលលោកបានមកដល់ទីក្រុងភ្នំពេញ ដោយលោកបាននិយាយថា៖ «នៅពេលដែលខ្ញុំបានមកដល់ប្រទេសកម្ពុជាដំបូង ខ្ញុំមានចំណាប់អារម្មណ៍ទៅលើប្រព័ន្ធឌីជីថលនៅទីនេះ» ហើយលោកបន្តទៀតថា៖ «ខ្ញុំគិតថា តើខ្ញុំអាចរស់នៅទីនេះដោយរបៀបណា? ប៉ុន្តែមានមនុស្សម្នាក់បានប្រាប់ខ្ញុំអំពី PassApp»។ អ្នកតំណាងប្រចាំប្រទេស នៃ Konrad Adenauer Stiftung (KAS) បានធ្វើការណែនាំនៅក្នុងពិធីសន្និសីទអំពី «ការគ្រប់គ្រងប្រព័ន្ធឌីជីថល- មេរៀនរបស់ប្រទេសអាលឺ្លម៉ង់ និងជាមាគ៌ាឆ្ពោះទៅមុខរបស់ប្រទេសកម្ពុជា» ជាមួយនឹងការណែនាំ លោកក៏បានអធិប្បាយពីវិធីប្រើប្រាស់កម្មវិធីដែលផ្តល់ភាពងាយស្រួលដល់ការរស់នៅ។
ពិធីសន្និសីទនេះបានរៀបចំដោយ German KAS ដើម្បីពង្រឹងចំណងមិត្តភាពរវាងប្រទេសអាលឺ្លម៉ង់ និងប្រទេសកម្ពុជា- ប្រទេសទាំងពីរនឹងក្លាយជាប្រទេសទទួលឥទ្ធិពលខ្លាំងពីដំណើរការប្រព័ន្ធទំនាក់ទំនង ដោយប្រទេសនីមួយៗមានវិធីសាស្ត្ររៀងៗខ្លួន។ នៅប្រទេសអាលឺ្លម៉ង់ ការបង្កើតអាជីវកម្មដូចជា ក្រុមហ៊ុនឡាន ត្រូវតែបន្ស៊ាំដំណើរការនៃការផលិត និងផលិតផលរបស់ខ្លួន។ យោងតាមលោក Mario Voigt សាស្ត្រាចារ្យនៃសាកលវិទ្យាល័យ Quadriga នៅទីក្រុងប៊ែកឡាំង បានមានប្រសាសន៍ថា ប្រទេសអាលឺ្លម៉ង់ចង់ក្លាយជា «វីរបុរស» នៃវេទិកាសេដ្ឋកិច្ច។ គំរូដែលលោកបានអភិវឌ្ឍដើម្បីផ្លាស់ប្តូរសេដ្ឋកិច្ចអឺរ៉ុបខាងលិចឆ្ពោះទៅរកឌីជីថលភាវូបនីយកម្មរួមបញ្ចូលធាតុបួនគឺ៖ ទិន្នន័យឌីជីថល ការភ្ជាប់ទំនាក់ទំនង អតិថិជនប្រើប្រាស់ដោយប្រព័ន្ធឌីជីថល និងដំណើរការដោយស្វ័យប្រវត្តិ។ ធាតុទាំងនេះគឺចាំបាច់ត្រូវតែពង្រឹង ដើម្បីឱ្យធានាបាននូវការប្រកួតប្រជែងក្នុងទីផ្សារសកល សម្រាប់ការធ្វើអាជីវកម្ម។ លោកបណ្ឌិត Voigt បកស្រាយបញ្ហានេះ ដោយលើកឧទាហរណ៍ពីប្រទេសអាលឺ្លម៉ង់៖ «មានក្រុមហ៊ុនតូចមួយមកពី ព្រៃខ្មៅ (Black Forest) ក្នុងប្រទេសអាលឺ្លម៉ង់ដែលផលិតនាឡិកាប៉ោល ដែលជាផលិតផលជាតិរបស់អាលឺ្លម៉ង់។ សម្រាប់អាលឺ្លម៉ង់ នាឡិកានេះបានក្លាយជាផលិតផលដែលគ្មានការពេញនិយមទៀតនោះទេ។ ប៉ុន្តែក្រុមហ៊ុននេះបានរកឃើញថា ប្រជាជននៅប្រទេសអាមេរិក និងសិង្ហបុរី មានការពេញនិយមជាមួយនាឡិកានេះខ្លាំងណាស់ ហើយឥឡូវនេះក្រុមហ៊ុន ធ្វើការផ្សព្វផ្សាយពាណិជ្ជកម្មនាឡិកានេះ ទៅកាន់ប្រទេសទាំងពីរនោះវិញ។» សម្រាប់សាស្ត្រាចារ្យ Voigt រឿងនេះបានបង្ហាញថា ឌីជីថលភាវូបនីយកម្មគឺមិនត្រឹមតែមានឥទ្ធិពលទៅលើក្រុមហ៊ុនធំៗនោះទេ សូម្បីតែសហគ្រិសតូចៗក៏ទទួលឥទ្ធិពលផងដែរ។
![](https://opendevelopmentcambodia.net/wp-content/uploads/sites/2/2018/05/KAS_futureTalk2-300x225.jpg)
លោកបណ្ឌិត Mario Voigt ធ្វើបទបង្ហាញអំពី «បទពិសោធន៍ប្រទេសអាលឺ្លម៉ង់ – គោលនយោបាយ ការដឹកនាំ និងសមត្ថភាពក្នុងការពង្រឹងបច្ចេកវិទ្យាថ្មី»។
នៅចុងបញ្ចប់នៃការធ្វើបទបង្ហាញរបស់ លោកបណ្ឌិត Voigt បានពន្យល់ថា ប្រទេសអាលឺ្លម៉ង់កំពុងព្យាយាមដើម្បីក្លាយជា ប្រទេសដែលមានភាពជឿនលឿនផ្នែកសេដ្ឋកិច្ចឌីជីថល។ អ្នកជំនាញផ្នែកឌីជីថលភាវូបនីយកម្ម ដែលក៏ជាអ្នកនយោបាយសម្រាប់គ្រប់គ្រងគណបក្សអភិរក្ស (CDU) បានបង្ហាញថា រដ្ឋាភិបាលមានគម្រោងធ្វើការវិនិយោគប្រហែល ៦រយលានដុល្លារ សម្រាប់ការសាងសងហេដ្ឋារចនាសម្ព័ន្ធបែបឌីជីថល និងការណែនាំថ្មីៗនេះ ពីភ្នាក់ងារឌីជីថលថ្មីសំខាន់ៗក្នុងកម្រិតថ្នាក់ជាតិ។ នៅក្នុងប្រសាសន៍ចុងក្រោយ លោកបានភ្ជាប់ជាមួយស្ថានភាពនៃប្រទេសកម្ពុជា៖ «ខ្ញុំគិតថា កម្ពុជាត្រូវការវិធីសាស្ត្រដូចប្រទេសអាលឺ្លម៉ង់ដែរ ពីព្រោះអ្វីៗគ្រប់យ៉ាងនឹងផ្លាស់ប្តូរនៅថ្ងៃអនាគត ហើយជាមួយនឹងវិធីសាស្ត្រមួយនេះ វាអាចធ្វើឱ្យកម្ពុជាបន្ស៊ាំខ្លួនជាមួយវា។ នាពេលអនាគត វានឹងនាំកម្ពុជាទៅកាន់ឱកាសដ៏ច្រើន»។
![](https://opendevelopmentcambodia.net/wp-content/uploads/sites/2/2018/05/KAS_futureTalk1-300x225.jpg)
វេទិការពិភាក្សា រវាង លោក ស៊ុន រ៉ាពីដ លោក ប៉ែន ចិន្តា លោកបណ្ឌិត ហេង ភក្តី និងលោកបណ្ឌិតសាស្រ្តាចារ្យ Mario Voigt។
វេទិការពិភាក្សា អំពីប្រព័ន្ធអេកូឡូស៊ីឌីជីថលនៅកម្ពុជា ដែលមានវត្តមាន លោក ស៊ុន រ៉ាពីដ អនុប្រធានវិទ្យាស្ថានជាតិប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងពត៌មាន (NIPTICT) បានបកស្រាយអំពីផែនការមេ ICT របស់ប្រទេសកម្ពុជាឆ្នាំ ២០១៥-២០២០ ថា រដ្ឋាភិបាលមានបំណងផ្សព្វផ្សាយពី អក្ខរកម្ម និងការចាប់ផ្តើមនៃ ICT។ ហើយវាស្ថិតនៅក្នុងដំណើរការនៃការរៀបចំគោលនយោបាយទាក់ទងនឹងប្រព័ន្ធអ៊ិនធើណេត និងឌីជីថលពាណិជ្ជកម្ម។ «ពួកយើងចង់ទាក់ទាញក្រុមហ៊ុនធំៗដូចជា Microsoft ឬក៏ Google ឱ្យមកតាំងការិយាល័យនៅប្រទេសកម្ពុជា»។ ការសាកសួរអំពីឯកជនភាព និងច្បាប់ការពារទិន្នន័យ លោក រ៉ាពីដ បន្តថា ប្រទេសកម្ពុជាគឺស្ថិតនៅក្នុងដំណាក់កាលដំបូង៖ «ពួកយើងនៅតែគិតអំពីរបៀបរៀបចំប្រព័ន្ធទំនាក់ទំនងនៅក្នុងប្រទេសកម្ពុជា។ ពួកយើងត្រូវចាប់ផ្តើមពីកម្រិតមូលដ្ឋានជាមុនសិន។» សាស្ត្រាចារ្យ Voigt បានឆ្លើយតប និងធ្វើការរិះគន់វិធីសាស្ត្រនេះ ដោយលោកគិតថា គួរតែចាប់ផ្តើមពាណិជ្ជកម្មមុន ហើយចាំកំណត់ឯកជនភាពបន្ទាប់។ ជំនួសមកវិញ វិធីសាស្ត្រទាំងនោះគឺត្រូវតែចាប់ផ្តើមក្នុងពេលតែមួយ៖ «អ្នកត្រូវតែរកដំណោះស្រាយសម្រាប់ឯកជនភាព និងការរៀបចំទិន្នន័យក្នុងប្រទេសកម្ពុជា ដូចដែលយើងបានធ្វើនៅប្រទេសអាលឺ្លម៉ង់»។
គោលដៅរបស់ KAS គឺបង្កើតកម្មវិធីសម្រាប់ផ្លាស់ប្តូររវាងប្រទេសទាំងពីរ ដែលអាចបង្រៀនគ្នាដើម្បីឆ្ពោះទៅរកភាពជោគជ័យ។ នៅក្នុងពីធីសនិ្នសីទនោះគឺជាឱកាសដ៏ល្អសម្រាប់អ្នកចូលរួមបានរៀនសូត្រអំពី ភាពជឿនលឿននៃប្រទេសអាលឺ្លម៉ង់ និងការអភិវឌ្ឍនៅក្នុងពិភពឌីជីថល។ នៅថ្ងៃអនាគត ការលើកទឹកចិត្តស្ត្រីឱ្យចូលរួមគឺជាអ្វីដែលយើងចង់បាន។ អ្នករៀបចំកម្មវិធីនេះបានពន្យល់ថា អវត្តមានស្ត្រីក្នុងកិច្ចពិភាក្សានេះ ដោយសារតែការបោះបង់ចោលនៅនាទីចុងក្រោយនៃអ្នកចូលរួម។ មួយវិញទៀត ការផ្តោតសំខាន់ខ្លាំងទៅលើទស្សនៈរបស់ប្រជាជនជាជាងទស្សនៈរបស់អ្នកជំនួញ គឺគួរឱ្យចាប់អារម្មណ៍ ជាពិសេសគឺការយល់ឃើញពីការផ្លាស់ប្តូរសម្រាប់ពលកម្មនៅក្នុងពិភពឌីជីថល។ កម្មវិធីនេះ គឺជាកម្មវិធីដែលជាការរៀបចំលើកដំបូងដោយ KAS ហើយនឹងប្រារព្ធឡើងម្តងទៀតនៅថ្ងៃអនាគត។